Британскиот милијардер Ричард Бренсон се надева дека за седум месеци ќе бидат финализирани подготовките за вселенскиот лет со летало дизајнирано од неговата компанија „Вирџин галактик“. Бренсон неодамна во Њујорк истакнал дека туристичкиот вселенски брод „Спејшип 2“ ќе направи суборбитален лет за три до четири месеци
Освен Бренсон, на настанот бил присутен и британскиот физичар Стивен Хокинг, а милијардерот ветил дека ќе го земе со себе на првиот лет. Вселенскиот брод на Бренсон е наменет за туристички летови на височина од 100 километри, а за ова задоволство патниците ќе треба да платат по 200.000 долари.
Билети за летовите во вселената веќе резервирале 800 луѓе, меѓу кои и Хокинг, актерката Анџелина Џоли и пејачката Лејди Гага.
