Американската компанија наречена Tempo Music Investments ја тужеше познатата пејачка Мајли Сајрус.
Имено, тие тврдат дека таа и нејзините колеги текстописци копирале делови од песната на Бруно Марс When I Was Your Man кога ја напишале нејзината песна Flowers, која доби Греми, пренесува Rolling Stone.
Тие ја поднесоа тужбата во понеделник на 16 септември пред федералниот суд во Лос Анџелес. Темпо мјузик соопшти дека поседува дел од американските авторски права на When I Was Your Man, откако ги откупи од Филип Лоренс, кој ја напиша песната со Марс, Ари Левин и Ендру Вајат.
Бруно Марс не беше именуван како тужител во тужбата.
„Секој обожавател на „When I Was Your Man“ од Бруно Марс знае дека „Flowers“ на Мајли Сајрус не го постигна целиот овој успех самостојно.
„Flowers дуплира бројни мелодиски, хармонични и лирски елементи, вклучувајќи мелодичен дизајн на тон и низа на стихови, поврзувачка бас линија, одредени рефрени ленти, одредени театарски музички елементи, лирски елементи и специфични прогресии на акордите“, се вели во тужбата, до која дојде Ролинг Стоун.
„Врз основа на овие сличности, јасно е дека Flowers не би постоеле да не беше When I Was Your Man“, се наведува и во тужбата.
Ролинг Стоун контактирал со претставниците на пејачката, но тие се уште не се огласиле.
