Меган Маркл откри дека имала спонтан абортус во јули кога со принцот Хари се преселиле во САД. Таа својата приказна ја раскажа за „Њујорк тајмс“ и го опишува моментот кога сфатила дека го изгубила бебето.
„Додека го држев своето првородено дете, знаев дека го губам второто. Почувствував силен грч во стомакот додека му менував пелена на Арчи. Седнав на подот држејќи го него во рацете и му пееев приспивна песна за двајцата да се смириме. Веселата мелодија беше целосен контраст од моето чувство дека нешто не е во ред“, стои во текстот што го напишала Меган за познатиот аметикански весник.
Во денешниот „Њујорк тајмс“ таа откри дека ѝ се слошило додека била во нивниот нов дом во Лос Анџелес.
„Најтешко ми беше да го гледам Хари како тагува додека и самата бев распарчена. Неколку часа подоцна лежев во болнички кревет држејќи го сопругот за рака. Ја чувствував топлината на неговата дланка, а тој ми ја бакнуваше раката, која беше мокра од нашите солзи. Гледајќи во студените бели ѕидови, очите му засветкаа. Се обидов да замислам како ќе се излекуваме“, завршува писмото на Меган.
Двојката има едно дете, синот Арчи, кој се роди во мај 2019 година.
"I knew, as I clutched my firstborn child, that I was losing my second,” Meghan Markle writes about her miscarriage. Today, we are sharing an essay by the Duchess of Sussex about the loss that she and Prince Harry suffered earlier this year. https://t.co/xCJbgPgufq
— New York Times Opinion (@nytopinion) November 25, 2020
