Метју Пери и Атина Крозби, која ѕвездата на „Пријатели“ ја нарече „Девојката бр.1“, беа фотографирани на заедничка вечера минатиот петок, само еден ден пред Метју да биде пронајден мртов во својот дом.
Манекенката и новинарка Атина Крозби конечно проговори, а она што го кажа фрли сосема ново светло на смртта на актерската ѕвезда.
Атина (25) е фотографирана на вечера со Пери во хотелот Бел-Ер. Манекенката, која се испробала и во глумата, изјавила за TMZ дека Пери бил во „исклучително добро расположен“ за време на вечерата додека „воодушевено зборувал за новите работи што се појавиле во неговиот живот“.
„Беше толку среќен и жив“, се присетува таа, истакнувајќи дека тие не биле на состанок, туку едноставно биле пријатели кои се запознале пред неколку месеци.
„Не сакав да зборувам за ова, но она што ќе го кажам е дека имав чест лично да го познавам Метју“, продолжи таа.
„Толку сум уништена од неговата смрт, но почувствував дека не е соодветно јавно да зборувам за тоа, бидејќи фокусот не треба да биде на мене, туку на него и неговото наследство, а тој беше исклучително приватна личност и секогаш го почитував тоа во нашето пријателство. Но, навистина, бевме пријатели и јас бев еден од последните луѓе што разговарав со него и го видов пред да умре“.
Атина потоа ги охрабри луѓето да ја „прочитаат неговата неверојатна и инспиративна книга“, потсетувајќи ги нејзините следбеници да „запомнат да бидат љубезни со сите без разлика низ што поминуваат“, бидејќи „сите само даваат се’ од себе“.
Манекенката исто така ги повика сите што ја читаат нејзината објава „да се воздржат од какви било шпекулации околу неговата смрт и да запомнат дека сите ние сме смртни и дека Пери навистина заслужил повеќе време на оваа земја“.
„Нашата забавна индустрија навистина изгуби една легенда“, додаде таа.
Во дополнителното видео на нејзиниот Инстаграм во средата, таа објасни зошто се огласи со својата приказна, велејќи дека едноставно сака да го сподели наследството на Пери на „позитивен и почитуван начин“.
Таа, исто така, ги отфрли гласините дека бара слава или профитира од смртта на Пери, објаснувајќи дека го сретнала во петокот и дека некој ги фотографирал „без нејзино знаење или согласност“, па се чувствувала должна да ја објасни ситуацијата.
„Тука сум само да сведочам за неговата психичка состојба пред да почине“, рече таа и додаде дека актерот изгледал „сосема нормално и добро“.
„Тој остави толку важно наследство. Тој беше многу позитивен претходниот ден и затоа решив да зборувам“, додаде таа.
Пери почина во својот дом во Лос Анџелес во саботата на 54 години. Славата ја достигна со улогата на Чендлер Бинг во култната хумористична серија „Пријатели“.
