Откако се појави во кината, новиот филм „Аватар 2: Патот на водата“, заработи милијарда долари за само 12 дена. Откако почна да се прикажува од 16 декември, досега има заработено 1,03 милијарди долари.
Со ова тој стана третиот филм со најголема заработка во 2022 година, по „Топ Ган: Маверик“ и „Јура свет: Доминион“. Продолжението на „Аватар“ би можел да ја надмине и заработката од неговиот претходник, кој заработи над 2,9 милјиарди долари. Овој филм оствари најголема заработка на сите времиња.
За потстеување, филмот е во режија на Џејмс Камерон, а продуциран од Џон Ландау. Во филмот глумат Сем Вортингтон, Зои Салдана, Сигурни Вивер, Стивен Ланг и Кејт Винслет. Сценариото е на Камерон, Рик Јафа и Аманда Силвер.
