Првата дама на Франција Брижит Макрон се појавува во вториот дел од четвртата сезона на серијата Емили во Париз на Нетфликс. Новите епизоди од серијата пристигнуваат на стриминг платформата во четврток, 12 септември.
Објавена е и фотографија на која Брижит позира со главната ѕвезда на серијата Лили Колинс која ја глумеше Емили Купер и со француската актерка Талија Бесон. Сопругата на Емануел Макрон веќе е видена на сетот.
Откриено е дека Брижит носела сопствена облека во серијата и не и биле дадени посебни упатства за нејзината улога.
Креаторот на серијата, Дарен Стар, изјави за Elle дека Брижит е позната по нејзината чудесна смисла за мода и дека е „огромен талент“. Идејата да се појави во серијата е на маса од 2022 година.
„Идејата ни дојде кога Дарен Стар и јас ја запознавме во Елисејската палата во декември 2022 година. Таа е огромен обожавател на серијата и со ентузијазам го прифати нејзиното спомнување во првата сезона. Снимањето сцени со неа во четвртата сезона беше исто така чест и вистинско задоволство“, изјави Лили Колинс.
