Пет лица кои работеа на филмот „Невозможна мисија 7“ дадоа отказ од работа, откако во јавноста излезе аудиоснимката во која актерот Том Круз им се закани со отказ, ако уште еднаш ги види да не ги почитуваат мерките за заштита против коронавирусот.
Додека главната ѕвезда им викаше на дел од вработените, некој од нив тајно го снимил. Подоцна британскиот таблоид „Сан“ ја објави снимката.
„Првиот испад беше голем, а работите не се смирија од тогаш. Напнатоста се развиваше со месеци, а ова бепе капката што ја прели чашата. Откако снмката стана јавна, бесот се зголеми кај луѓето и неколку од нив го напуштија проектот“, изјавил неименуван извор за „Сан“.
Тој објаснил дека Том Круз не можел да поднесе да не се почитуваат едноставни протоколи, особено по маките низ кои тој морал да мине, за да се продолжи со снимањето на филмот „Невеозможна мисија 7′.
„Том беше вознемирен бидејќи другите не ги сфаќаа мерките толку сериозно како него“, објаснил изворот.
За потсетување, во октомври 12 луѓе кои работеле на снимањето на филмот во Италија, беа позитивни на коронавирусот.
