Мелинда Френч Гејтс, бившата сопруга на милијардерот Бил Гејтс, има нова љубов. Медиумите пренесоа дека почнала да излегува со поранешниот репортер на „Фокс њуз“, Џон Ду Преом, кој сега работи како експерт за комуникации, пренесе TMZ. Двајцата се видени заедно на натпреварот „Бруклин нетс“ и „Бостон селтикс“.
Заедно отседнале во „Пеликан Хил“, хотел со пет ѕвездички во Њупорт Бич во Калифорнија. Ду Пре има три деца со бившата сопруга Џина, синовите Каси и Џони и ќерката Џеси.
Мелинда не се откажа од љубовта по разводот, а Бил неодамна рече дека не жали за ништо и дека повторно би ја одбрал кога би можел да го врати времето.
„Секој брак, откако децата ќе си отидат од дома, минува низ транзиција. Мојот за жал мина низ оваа транзиција наречена развод. Но, од моја гледна точка, ова беше одличен брак. Не би го менувал за ништо. Не би се одлучил да се оженам со некој друг“, рече Гејтс во интервју за The Sunday Times.
Милијардерот рече дека е среќен што по разводот и понатаму ќе може да работи со Мелинда и дека понекогаш и се гледаат. За потсетување, се разведоа во 2021 година, по 27 години брак. Ги имаат трите деца, синот Рори Џон и ќерките Фиби Адел и Џенифер Кетрин.
