Австралискиот музичар Џорџ Јанг, кој го напиша прочуениот љубовен хит Love is in the air („Љубовта е во воздухот“), почина на 70-годишна возраст.
Тој беше ментор на прочуениот рок-бенд „Еј-си/ди-си“, основан во 1973 година, а во шеесеттите години се прослави како член на бендот The Easybeats од Сиднеј.
“Without his help and guidance there would not have been an AC/DC” RIP George Young pic.twitter.com/jeessAMgY1
— AC⚡️DC Ireland (@ACDCIreland) 23 October 2017
Неговата песна „Љубовта е во воздухот“ до ден-денес е голем хит.
„Со болка во срцето објавуваме дека почина нашиот сакан брат и ментор Џорџ Јанг“, објавено е на страницата на култниот бенд, а членовите на овој состав велат дека без негова помош овој бенд денеска не би бил тоа што е.
Причината за неговата смрт засега не е соопштена по барање на неговото семејство.