Глумецот Дејвид Проус, кој го глумеше оригиалниот Дарт Вејдер од „Војна на ѕвездите“, почина на 86 годишна возраст. Како што пренесуваат светските медиуми, Проус починал по кратката битка со болеста. Веста за неговата смрт ја потврди неговиот агент, Томас Бовингтон.
„Нека силата биде со него. Засекогаш. Беше познат по тоа што глумеше многу чудовишта, за мене и сите кои го познаваа Дејвид и соработуваше со нив. Тој беше херој“, изјавил Томас.
Пред оваа легендарна улога на Дарт Вејдер, Дејвид бил бодибилдер, кој од време на време играл улога на негативци. Кога Џорџ Лукас го повикал за улогата во „Војна на ѕвездите“, тој му ја понудил улогата на Вејдер или Чибаку.
„Вејдер. Сите секогаш го паметат негативецот“, му одговорил Дејвид.
