Почина Тим Крег, таткото на британскиот глумец Даниел Крег, познат по улогата на Џејмс Бонд. Тим ја изгубил битката со ракот на црниот дроб по што починал на 77-годишна возраст.
Британските медиуми пренесуваат дека смртта на Тим силно го погодила Даниел. Филмот за Џејмс Бонд, „Живеј и дозволи да умреш“, Даниел вели дека му бил првиот што го гледал во животот во 1973 година, а друштво му правел токму татко му Тим.
Тим во едно од интервјуата рекол дека му е драго што неговиот син го остварил својот сон и станал глумец. Даниел и Тим биле многу блиски.
Двајцата имале однос каков што имаат најдобрите пријатели. Тим бил претприемач, а со сопругата Кристи живееле во близина на Оствестрија.
Често знаел да дојде на премиерите на Даниел и се гордеел со неговите глумачки остварувања.
„Даниел не зборува за мене и јас не зборувам многу за него, но, се разбира, многу се гордеам на мојот син. Тој е многу добар глумец“, изјавил Тим пред неколку години.
Портапролката на Даниел Крег, Лора Симонс, потврдила дека глумецот и неговото семејство нема да даваат изјави поврзани со смртта на татко му.
