Полицијата откри куп лекови и компримиран воздух во домот на американскиот пејач Арон Картер кој беше најден мртов во саботата. Засега од таму велат дека причината за неговата смрт е непозната. Кај него нашле шишиња таблети и лекови кои се издаваат на рецепт. Пронашле и компримиран воздух кој може да предизвика трајно оштетување на мозокот, но и да доведе до напади, кома, срцев удар, гушење па и смрт.
Уште не знаат од што починал, но полицијата рече дека кога го нашле во кадата, се чувствувал мирис на распаѓање, а водата во која лежел немала природна боја, што може да значи дека телото било таму подолго време. Немало траги од насилство, а било познато дека имал проблем со зависноста и менталното здравје .
