Ѕвездата на легендарниот хорор-филм „Прстен“, 40-годишната јапонска актерка Јуко Такеучи, e пронајдена мртва во својот стан во Токио.
Полицијата почнала истрага, а според пишувањето на медиумите, оваа наградувана актерка, мајка на две деца, најверојатно извршила самоубиство.
Телото на актерката го пронашол нејзиниот сопруг, исто така актер, Таики Накабајаши, а лекарите во болницата можеле само да ја констатираат нејзината смрт, пренесуваат медиумите.
Такеучи беше позната актерка во Јапонија, а најпозната нејзина улога е во јапонскиот хорор-филм „Прстен“ од 1998 година. Таа доби светска популарност во 2018 година играјќи во серијата „Мис Шерлок“ во продукција на Ејч-би-о.
