Строгите правила на Илон Маск во врска со неговиот приватен авион протекоа во јавноста.
53-годишниот милијардер, кој работи во администрацијата на Трамп како висок советник на претседателот, постави две правила кои секој мора да ги следи во неговиот омилен приватен авион Gulfstream G650ER. Авионот вообичаено има 18 седишта, а оние кои патуваат со Маск, вклучувајќи го и персоналот во кабината, мора да следат одредени правила, пишува „Блумберг“.
По сајбер нападот врз NetJets, протечениот документ го откри правилото број еден: никогаш не треба да го прашувате Маск дали му треба помош со технологијата.
„Господин Маск верува дека е самодоволен и не му треба помош со технологијата – ако му треба, ќе праша“. Така, на пример, персоналот не треба да го прашува дали му треба помош при поправање на WiFi.
Друго важно правило е дека персоналот мора да има на ум дека Маск не сака бучава, како што е, на пример, вентилацијата во авион. Покрај тоа, температурата во кабината мора да се одржува на околу 18 степени Целзиусови.
Понатаму, разговорот со милијардер не е пожелен. Според објавениот документ, Маск „сака да лета што е можно побрзо и директно и не е заинтересиран да штеди гориво“. Во документот се наведува и дека Маск сака светлата во кабината да бидат затемнети.
