Во средата, во Лондон се одржа премиерата на филмот Bridget Jones: Mad About the Boy. На црвениот тепих се појави и главната актерка Рене Зелвегер (55), која со еден детаљ поттикна гласини дека се верила.
Актерката на премиерата дојде во придружба на нејзиното момче Ант Анстед (45). Додека позирала за фотографите, Ант речиси цело време ја покриваше левата рака на Рене, а подоцна се видело дека прстот на таа рака е завиткан, поради што многумина помислиле дека под тоа се крие веренички прстен.
Рене прошета на црвениот тепих во елегантен розов фустан без прерамки. Го спои и со потпетици во потемна нијанса, а освен прстен на показалецот од десната рака, не носеше никаков накит. Нејзиниот партнер беше облечен во темно кафеав костум, црна кошула и црни чевли.
Рене и Ант се во врска од 2021 година. Тие се запознаа на снимањето на неговата серија IOU Joyride, а набрзо и Ант ја потврди нивната врска објавувајќи заедничка фотографија на Инстаграм. Тие првпат беа фотографирани во јавноста во 2021 година на забава за автомобилската компанија „Радфорд моторс“, а еден од основачите е Ант.
