Роџер Федерер и Мирка Вавринец: Таа секогаш беше позрела од мене

By

Не перстануваат емотивни приказни за Роџер Федерер, кој завчера во Лондон го играше последниот меч и се панзионира. На трибините беше и неговата Мирка. Федерер  ретко открива интимни детали за својот живот сепак неодамна реши да прозбори за својата сопруга Мирка. Тој и Мирка Вавринец се скоро 24 години заедно.

dobivaj vesti na viber

Во неговото најново интервју за Le Figaro, славниот тенисер призна дека Мирка отсекогаш му била огромна поддршка во неговиот живот.

„Многу ми е битна во животот, многу научив од неа“ – изјавил  слевниот тенисер. Федерер (41) и Мирка (44) се запознале за време на Олимпијадата во Сиднеј во 2000 година каде што и двајцата биле натпреварувачи. Тој вели дека тоа што таа е три години постара од него било само подобрата работа во нивната љубов.

„Општо познато е дека жените на почетокот на врската побрзо созреваат од нас мажите, а таа веќе беше 3 години постара од мене. Знаеме дека момче од 18 и девојка од 18 години не се исти, мажите созреваат подоцна“, вели тенисерот кој по паузата од 4 години се врати на Ролан Гарос.

Оттогаш двајцата станале неразделни. Мирка е родена во Словачка, а емигрирала во Швајцарија кога имала само 2 години, се натпреварувала на четири Гренд Слем турнири и успеала да дојде до 76-тото место на светската ранг-листа, но една година по Олимпијадата во Сиднеј решила да се повлече од тенисот и да се фокусира на претстојната блескава кариера на своето момче.

Од тогаш, Мирка е одговорна за сите прашања поврзани со односите со јавноста и соработката на Федерер со медиумите.

„Таа е многу строга, но мошне професионална. Импресивно!“ – додал Федерер објаснувајќи ја улогата која ја стекнала неговата сопруга во текот на неговата професионална кариера.

„Секогаш била тука за мене. Ми помогна во сè што можеше и без неа ништо не би било лесно за мене“.

Федерер инсистира дека дел од неговиот успех се должи на неа и семејството кое го формирале заедно.

„Сонувавме да имаме таква врска, особено со четири деца сега“.

Тенискиот тандем се венчаше во 2009 година, а имаат 4 деца, односно два пара близнаци. На прашањето дали децата ќе ги следат нивните стапки, Федерер вели ќе ги поддржи во одлуките коишто ги носат. И дова дека нема да ги притиска да бидат спортисти, ако не сакаат.

„Што и да изберат, ние ќе ги поддржуваме. Би било интересно затоа што јас и мојата сопруга сме упатени во спортот, но нема да ги присилуваме во тој правец. Им даваме можност, но тоа не е приоритет. За нас е важно тие да бидат добри граѓани, добри луѓе“, раскажува тенисерот.

Ќе ви се допадне