Саманта нема дете поради ангажманот во серијата „Сексот и градот“

Серијата „Сексот и градот“ на актерката Ким Катрал ѝ донесе големи милиони и огромна популарност, но постои една работа што Саманта не успеа да ја оствари.

Ким Катрал (61) се прослави во серијата „Сексот и градот“, во која ја глумеше шармантната и по малку будалеста Саманта. Ким смета дека поради оваа серија не можела да се оствари во улогата на мајка.

Таа морала максимално да се посвети на снимањето и не смеела да се осмели на тој чекор да забремени. Но, да се потсетиме, кога почна да работи на серијата, актерката веќе имаше повеќе од 40 години.

Улогата во оваа серија ѝ донесе милиони и огромна слава, но предолгото работно време не ѝ дозволи да се посвети на другите работи.

„Шансите да останам трудна беа сѐ помали, а големиот број обврски само ја влоши ситуацијата. Размислував и за вештачко оплодување, но поради обврските, не можев до крај да се посветам на тоа. Тогаш првпат помислив дека нема да имам дете“, изјави таа.