Се породи Георгина, едното бебе почина на породувањето

Португалскиот фудбалер Кристијано Роналдо објави дека неговата свршеница Георгина Родригез се породи со близнаци, но едното бебе починало. Тој на твитер објави дека починал нивниот син, а дека девојчето е добро и им се заблагодари на лекарите за целата грижа.

„Со големо жалење мораме да објавиме дека нашето момче почина. Тоа е најголемата болка што еден родител може да ја почувствува. Само раѓањето на нашето девојче ни дава сила да живееме во овој момент со малку надеж и среќа. Би сакале да им се заблагодариме на докторите и на медицинските сестри за нивниот професионализам и грижа. Скршени сме од болка по оваа загуба и ве замолуваме за приватност во овие тешки моменти. Наше мало момченце, ти си нашиот ангел. Секогаш ќе те сакаме“, напиша фудбалерот.

Кристијано  и Георгина во 2017 година ја добија ќерката Алана Мартина, а заедно се грижат и за трите деца што Роналдо ги има од сурогат-мајка – Кристијано Јуниор и близнаците Ева и Матео.

 

Scroll to Top