Популарната холивудска актерка продолжува да ги изненадува фановите со нејзините мемоари. Последно на листата со кое глумицата изненади е признавањето дека тајно абортирала на 18 години. Стоун открила дека имала тежок абортус и дека тајно морала да ја премине границата.
„Крварев насекаде и беше многу полошо отколку што очекував. Тоа го чував како тајна и не сакав да кажам на никого. Бев во мојата соба и со денови крварев. Бев слаба и исплашена“, открива Шерон.
63-годишната актерка открила дека останала бремена со нејзиното прво момче. Таа била сè уште тинејџерка во тие моменти. Живеела во Пенсилванија и како што открива, не очекувала да забремени. Заедно заминале на клиника во Охајо, каде и бил извршен абортусот.
Актерката вели дека абортусот не можела тоа да го направи во Пенсилванија. Кога заздравела од интервенцијата, таа се вратила на училиште, а крвавата облека и чаршавите вели дека ги запалила во буре.
Во објавените мемоари The Beauty of Living Twice, Шерон Стоун откри голем број долго скриени детали од нејзиниот живот. Таа раскажа и за траумите од детството и објави дека нејзинот дедо сексуално ја злоупотребил додека била девојче.
Неодамна јавноста дозна и дека нејзиниот пластичен хирург, за време на една интервенција, ја измамил, па и ставил поголеми импланти од договореното.
Претходно таа откри дека била измамена и од режисерот на „Основен инстикт“, кој и кажал дека нема потреба да биде загрижена за сцената „Ниски страсти“ дека публиката ќе ја види без гаќички.
