Италијанската актерка Софија Лорен важи за една од најубавите жени во светот. Дури и на 83 години легендарната актерка која отсекогаш важела за голема заводничка плени со убавината, стилот и облините. Кои се тајните на нејзината безвременска убавина? Софија верува дека секоја жена може да биде неодолива само ако посака да биде таква. Нејзината прва и главна тајна е дисциплината.
„Ако младата жена е убава, но не е дисциплинирана, таа ќе ја изгуби убавината кога ќе почне да старее. Ако жената се негува редовно, со текот на годините ќе биде поубава и поубава“, тврди Софија, која целиот живот се негувала на ист начин.
Актерката никогаш не сакала да вежба, па линијата ја одржува со долгите утрински прошетки кои ѝ го забрзуваат метаболизмот.
Што се однесува до производите за нега на лицето и телото, таа секогаш користела природни препарати. Шминката секоја вечер ја вади со маслиново масло, а потоа лицето го мие со млака вода.
„По ова, на лицето нема да ви остане ни пудра ни маскара“, вели актерката која им го препорачува маслиновото масло на сите жени.