Поминала точно една година откако манекенката Криси Тајген последен пат се напила алкохол. Вака таа во нејзината објава на Инстаграм искрено се отвори за нејзините следбеници и кажа дека понекогаш и недостасува зашеметено и безгрижно чувство, но исто така рече и дека на крајот алкохолот престанал да ѝ го дава забавното чувство.
„Пиев за да се справам со анксиозноста што ја чувствував, но тоа на крајот исчезна кога престанав да пијам“, напиша таа.
Открива дека некои моменти од животот не ги памети јасно бидејќи била под дејство на алкохол.
„Сакав да можам да се сетам на која било церемонија на доделување награди“, напиша Криси.
Призна дека забележала дека нејзиниот поглед изгледа отсутен, односно изгубен на одредени фотографии кои одбележале некои од важните моменти во нејзиниот живот.
Таа не е сигурна дали некогаш повторно ќе се напие, но знае дека не сака повеќе да се чувствува така и да не се сеќава на важните работи што ѝ се случиле. Проблемите што ги има ќе се обиде да ги реши преку терапија, а ќе се откаже од алкохолот.
Криси е во брак со популарниот пејач Џон Леџенд, со кого има две деца, ќерка и син, Луна и Мајлс.
View this post on Instagram
