Силвестер Сталоне (76) призна дека не е воодушевен од „Крид 3“, првиот игран филм за Роки Балбоа, во кој славниот актер воопшто не се појавува. Тој го создаде ликот пред четири децении, а сега веќе нема никаква сопственост над франшизата, ниту пак беше повикан да ја репризира улогата на Роки.
Во новото интервју за „Холивуд репортер“, акционата ѕвезда го коментира филмот во кој главната улога и режијата ги има Мајкл Б. Џордан.
„Филмот отиде во многу поинаков правец отколку што јас би го однел. Тоа е поинаква филозофија од Ирвин Винклер како продуцент, и на Мајкл Б. Џордан. Им посакувам добро, но јас сум многу посентиментален. Сакам кога моите херои ќе бидат тепани, но не сакам да одат на тоа темно место. На луѓето им се гади од темнина“, вели Сталоне во интервјуто.
„Крид 3“ премиерно ќе биде прикажан на 3 март 2023 година, а ја раскажува приказната за синот на Аполо Крид, боксер аматер по име Адонис (Мајкл Б. Џордан). Сепак, за разлика од првите два филма „Крид“, овој пат Роки (Сталоне) не е таму за да го тренира и менторира Адонис.
