Британскиот музичар Стинг во кусо интервју за германски весник изјави дека не го засега успехот на англиската репрезентација, и повеќе го сака клупскиот фудбал отколку „националистички турнир организиран од корумпираната ФИФА“.
Поранешниот член на бендот „Police“ и ревносен навивач на Њукасл, ги изненади Англичаните со својата изјава со којашто без двоумење ја обвини ФИФА за корумпираност.
– Повеќе сакам да гледам клупски фудбал. Светското првенство е обележано со национализам, вели тој, истакнувајќи дека не е баш среќен поради одлуката ФИФА да го додели во организацијата на Русија.
– Тоа беше фарса, по кандидатурата се појави човек по име Путин и ги среди работите, додава пејачот.
Англија во саботата ја победи Шведска и се пласираше во полуфинале првпат по 1990 година. Натпреварот против Хрватска е вo среда
