Холивудскиот глумец Том Круз (59) по една година раскина со британската актерка Хејли Атвел, пишува „Сан“. Таа е првата жена со која познатиот глумец се појави во јавноста по подолго време, а беа заедно и на Вимблдон.
„Се чинеше дека нивната врска ветува, но очигледно решиле да бидат само пријатели. Одлично се согласуваа, но како што се наближуваше крајот на снимањето на „Невозможна мисија“, љубовта почна да ја снемува“, открил извор близок до Том за „Сан“.
Том и Хејли глумат заедно во „Невозможна мисија 7“. Филмот се снима повеќе од една година, оти беше прекинуван поради пандемијата. Тие од самиот почеток беа неразделни, па медиумите пишуваа дека Том конечно нашол дама со која ќе се жени.
