Кралицата на поп музиката Мадона повторно предизвика коментари нејзините следбеници на социјалните мрежи по најновата објава на Инстаграм. Пејачката објави кратко видео кое започнува со позирање во божиќен костим и долна облека, а завршува со слика со семејството.
Мадона во видеото гледа во камерата, прво во костим на Дедо Мраз, а потоа во црна долна облека, додека во позадина игра Дедо Мраз. Видеото завршува додека позира со нејзините малолетните деца Дејвид, Мерси, Стела и Естере.
Видеото досега собра илјадници коментари, од кои повеќето се негативни, најмногу поради позирањето во долна облека и фотографирањето со деца во истата објава.
„Срам ми е да го гледам ова“, „Кој и дозволува да објавува вакви видеа“, „Колку може да биде морничава Мадона“, „Која си ти и што направи од Мадона“, „Дали некој друг се плаши од нејзините очи“ , „Веќе не знам која е оваа личност“, „Бизарно видео“, „Одземете и го мобилниот телефон“, „Ова е многу чудна објава“, се само дел од коментарите.
