Американската наследничка на хотелите „Хилтон“, Парис Хилтон, се пофали дека добила дијамантски свршенички прстен, кој чини два милиона долари. Таа објави слики и видео од моментот кога нејзиното момче Картер Реум ја побара за жена на 40. роденден.
На својата веб-страница parishilton.com таа објави и видео како дизајнерот го црта прстенот специјално за неа. Овој модел ќе го носи нејзиното име. Масивниот дијамантски прстен се состои од главен дијамант, а околу него има десетици помали дијаманти.
„Нејзиниот свршенички прстен е помеѓу 15-20 карати и е инспириран од Ајфеловата кула. Цената е речиси 2 милиона долари“, изјави Кетрин Мани, која е специјализиран продавач на дијаманстки прстени во компанијата Brilliant Earth.
„Тоа е импресивен прстен. Класичен дизајн што ги означува минатото, сегашноста и иднината, многу убаво дизајнирано. Со врвен квалитет на дијамант, го проценувам прстенот од 1,5 до 2 милиона долари”, изјави Денис Степански, основач и сопственик на It’s Hot Diamond Jewelry and Watches.
Парис се пофали на својата страница, а притоа ја сподели и информацијата дека се ангажирани најдобрите експерти и занаетчии за да ѝ го направат свршеничкиот прстен, но објави и видео од дизајнот на својот скапоцен свршенички прстен, рачно насликан во студиото на Жан Дусе, наследникот на Луј Картие.
„За овој специјален проект се собрани најдобрите обработувачи на дијаманти и златари“, напиша Парис на својата страница.
За потсетување, ова ѝ е четврта свршувачка на Парис Хилтон, претходно беше срвшена во 2002, 2005 и во 2018 година, но ниеднаш не се омажи.
