Вилијам барал oд братот на Дијана да го вразуми Хари да не ја земе Меган за жена

By

Принцот Вилијам побарал помош од братот на својата мајка, принцезата Дијана, Чарлс Спенсер, за да го вразуми брат му, поранешниот принц Хари, да не ја земе глумицата Меган Маркл за жена. Ова го открива кралскиот историчар Роберт Лејсли во книгата Battle of Brothers.

Кавгите меѓу браќата станаа една од најважните светски теми оваа година, особено кога Хари го напушти кралското семејство. Познато е дека за неговата одлука значително придонесе неговата сопруга Меган Маркл, која не беше целосно прифатена од кралското семејство.

Особено постариот брат Вилијам имал проблеми со врската на Хари. Иако бил предупреден да не се меша премногу, Вилијам се побунил на ваквата врска, а Хари од инает побрзал да ја земе за жена, пишува Роберт. Поради тоа, Вилијам побарал помош од Спенсер да го разубеди внукот.

Ваквата постапка на Вилијам дополнително го налутила Хари, кој станал уште потврдоглав и поупорен во одлуката да ја земе Меган за жена. Хари му забележал на Вилијам и за тоа што се обидел да ги вовлече и другите членови од семејството во неговата приватна работа.

Кралицата Елизабета била среќна што Хари бил заљубен, но Вилијам е тој што мислел дека врската на Хари и Меган одела пребргу и тој бил еден од малкутемина што биле против овој брак.

 

Ќе ви се допадне