Жена што го тужеше Снуп Дог за сексуален напад ја повлече граѓанската тужба против американскиот рапер. Таа во тужбата наведе дека сексуалниот напад се случил по еден од неговите концерти во 2013 година.
Тужбата беше повлечена речиси два месеца откако беше поднесена во централниот округ на Калифорнија. Во судските документи жената беше именувана како Џејн До и опишана како танчарка, модел, водител и актерка што работела со Снуп Дог. Музичарот тврдеше дека жената никогаш не работела за него.
Доброволното повлекување на тужбата исто така ги отстранува наводите против сите други страни наведени во тужбата, вклучително и деловниот ентитет на Снуп Дог.
