Американската актерка Кели Мек, позната по улогата во постапокалиптичната зомби драма „The Walking Dead“, почина на 33-годишна возраст.
Родена како Кели Клебенов, актерката почина мирно во нејзиниот роден град Синсинати во саботата по борба со тумор на мозокот, според соопштението од нејзиното семејство.
Мек дипломирала на Филмскиот колеџ Доџ на Универзитетот Чепмен во 2014 година со диплома по филмска режија.
Таа е најпозната по своите улоги во телевизиски серии, како што се Ада во 9-та сезона на „Живите мртовци“ и Пенелопе Џејкобс во 8-та сезона на „Чикаго Мед“, како и серијата на Фокс „9-1-1“.
Мек работеше и како сценарист со нејзината мајка, Кристен.
„Нејзиното наследство ќе живее преку нејзините придонеси во филмот и телевизијата и во срцата на оние што ја сакаа. Засекогаш ќе ни недостига нејзиниот талент, љубезност и дух“, се вели во соопштението на семејството.
