Летото замина, но тоа не е причина да паднете во есенска меланхолија и тага.
Есента, како и секое годишно време, има свои убави страни кои се вредни да ги запазите и цените.
Погледнете ги овие 9 причини поради кои можете и треба да ја сакате есента!
Богатство на вкусови
Кулинарските чуда кои можеме да ги направиме од сезонскиот зеленчук и овошје се едни од најдобрите и исклучително карактеристичните аспекти на есента. Природата тоа паметно го измислила, па после летното овошје и зеленчук, време е за загревање, мешање зачини, во кои киселоста ѝ отстапува место на слаткоста.
Есента е исто така сезона на лиснатиот зеленчук. Кога бирате лиснат зеленчук, добра идеја е да се придржувате до едноставниот принцип на бои – колку листовите се потемни, толку се побогати со минерали. Кељот и спанаќот би требало да се наоѓаат во нашите фрижидери, затоа што се богат извор на магнезиум и витамините Б и Е. Исто така обезбедуваат фолна киселина, која има позитивно влијание врз мозокот и нервниот систем, подобрувајќи го расположението.
Печење печурки
Еднаш, после неколку врнежливи денови, речиси е задолжително да отидеме во шума рано наутро барајќи печурки. Вреди да се вратиме кон овие традиции. Таквата прошетка не само што ќе ни даде енергија, туку и ќе донесе бројни задоволства. Исушените печурки ќе го збогатат вкусот на нашите сосови и супи во текот на зимата.
Пријатни вечери
Кога вечерта доаѓа побрзо и времето нè потсетува дека треба да излеземе од дома, ние попрво би се смотале во топло ќебе и би тргнале во други светови. Добрата книга или филм со шолја топло чоколадо в рака ќе направи и најлошиот ден да добие свој шарм.
Чај
Откако во текот на жешките денови испивме хектолитри вода и лимонада, сезоната на топли напитоци се враќа. Чаноиу е јапонска церемонија на чајот која е многу сложен ритуал. Секој потег, па дури и темата на разговор се наметнува според посебни правила.
Меѓутоа, без никакви крајности, вреди да се надоврземе на овој есететски, па дури и духовен пристап на Јапонците кон оваа инфузија. Создавајќи свој мал ритуал, резервираме убав момент во текот на денот само за себе. Омилената шолја и прекрасните вкусови (ѓумбир и мед) можат да го променат обичниот чај. А, ако додадете и парче торта со сливи, од есенската меланхолија нема да остане ни трага.
Бои
Зад обоените лисја се кријат цели хемиски процеси кои се дизајнирани да го подготват дрвото за тешкиот земски период. Сепак, благодарение на комплицираните активности на природата, ние им се восхитуваме на живописните шарени пејзажи во парковите и шумите. А одењето по шарениот тепих испреплетен од лисја е одлична забава без разлика на староста.
Одмор вон сезоната
Во текот на нашето планирање на одморот, ќе ги избегнеме напорните гужви, како и вртоглавите температури по кои јужните земји се познати. Напуштените плажи ќе ви обезбедат мирен одмор, а есенското сонце ќе биде љубезно за нашата кожа.
Есенска гардероба
Џемперите, капите, ракавиците и шаловите повторно имаат предност. За некои тие се ноќна мора, а за други претставува игра со модата, боите, текстурите и ткаенините. Есента е воедно и единственото годишно време кога ќе ја изгубиме од вид комбинацијата на сандали со јакна или шорцеви со чизми.
Подготовки
Крајот на летото и почетокот на есента е време за акумулирање на зимските залихи. Домашните конзерви се многу поздрави од производите од продавница, обично содржат голема количина сол, шеќер или вештачки конзерванси. Во стаклените тегли можете да ставите речиси сè, од џем од сливи до кисели печурки, зеленчук, мус и секако кисела зелка.
Исто така, можеме да побегнеме од класиката и да експериментираме со помалку ограничени производи. Пастеризираниот спанаќ со лук е многу добра комбинација, одличен е како самостојно јадење, додаток во главното јадење или како замена за кнедли. Еве рецепт за него:
Пастеризиран спанаќ
- 1 пакување спанаќ
- Лимон
- 4 главици лук
- 300 мл вода
- Сол
Гответе го спанаќот во солена вода со додавање на лимонов сок. После две минути додадете лук, посолете го по желба и префрлете го во тегла. Добро завитканите тегли ги пастеризираме 15 минути.
Есенски украси
Декоративните тикви или шарените букети со цвеќе ќе направат есенската атмосфера да се појави не само пред прозорецот, туку и во нашите домови. Покрај тоа, костенот сместен во близина на електронските уреди го апсорбира зрачењето кое го емитуваат таквите уреди. Благодарение на тоа, ја подобруваме атмосферата во станот. Сетете се само повремено да го заменувате костенот со „нов“.
