Шошана Овиц, една од преживеаните Евреи од Аушвиц, го прослави својот 104. роденден на Ѕидот на плачот во Ерусалим. Со неа на прославата беа речиси 400 нејзини потомци и роднини. Според израелската амбасада во Берлин, Овиц како роденденски подарок посакала да се соберат сите нејзини деца, внуци и правнуци кај Ѕидот на плачот.
„Дојдоа речиси сите“, стои во објава на твитер-профилот на амбасадата.
По Втората светска војна, додека ги барала своите роднини по светот, Овиц го запознала својот сопруг. Тој во холокаустот ги изгубил сопругата и четирите деца. Откако се венчале, првото дете го добиле во бегалски камп во Австрија. Подоцна се преселиле во Израел, а Шошана родила уште четири деца.
