(Фото) Купил стар автобус и од него направил совршен дом

By

Англичанец успеал од еден стар двокатен автобус „вајлд атлантик“, што се користел во Лондон 1990-тите, да направи луксузно привремено живеалиште.

Ричард Бартон го купил автобусот пред три години, за 2.000 фунти. Првично, сакал да го користи како превозно средство за потребите на неговото семејство и за работа.

– Претходно имам поправено пет камп-возила „фолксваген“ и мислев дека можам да направам нешто слично со автобусов. Но, напредував бавно, иако мојата сопруга и ќерките ми помагаа со идеи. На крајот, ова стана одлично место за престој, раскажува 61-годишниот мајстор.

Бартон отстранил 74 седишта од автобусот, тркалата, ја проверил неговата издржливост и состојбата на материјалот, ги тргнал гнилите делови и пренамената почнала. Тој вложил 31.000 фунти и сопствена работна рака, па автобусот добил дрвен под, три спални соби, кујна, дневна соба, шпорет на дрва, тоалет, внатрешен туш, туш на отворено, камин, градина и друго.

Па јас сè ова го направив рачно. Сакав и луѓето тука да се чувствуваат удобно – како да не се во автобус. Едно седиште, сепак, задржав – тоа се наоѓа на вториот кат, со поглед кон езерото, вели Бартон.

Автобусот е „паркиран“, односно неподвижен и е достапен за изнајмување.

 

Ќе ви се допадне