Италијанската полиција во голема акција што ја спровела ширум земјата уапсила 31 член од Касамоника мафијата.
Во акцијата во која е уапсен еден од најозлогласените мафијаши во Италија, Џузепе Касамоника, учествувале повеќе од 250 полицајци.
Покрај него, уапсени се и голем број членови на неговото семејство.
Мафијашите кои биле уапсени ширум Рим и Јужна Италија се товарат за трговија на дрога и изнудување пари.
Куќата на Џузепе Касамоника била главното собиралиште на неговите опасни луѓе, а во моментите на претрес на куќата пронајдени биле 50 000 евра во готовина, бројни банкарски сметки, луксузни часовници и автомобили, пренесуваат италијанските медиуми.
Во текот на акцијата уапсен е и познатиот боксер Доменико Спада.
