Хавиер Солана заразен со коронавирус

Поранешниот генерален секретар на НАТО, Хавиер Солана, е примен во болница откако бил позитивен на тестот за коронавирус, пренесе Ројтерс.

Извори на агенцијата тврдат дека здравствената состојба му се подобрува, но дека од претпазливост и натаму е под лекарски надзор.

Инаку, дневниот шпански весник AБЦ вчера прв објави дека 77-годишниот Солана во средата бил хоспитализиран во болница.

Тој во понеделникот присуствувал на настан кој го организирала актуелната министерка за надворешни работи на Шпанија, Аранча Гонзалес Лаја.

Scroll to Top