Ако не сте сигурни кому можете да му се доверите и да му ги кажете тајните, астролозите советуваат тоа да го направите на личност што е родена во знакот на бик. Бикот важи за најдоверлив хороскопски знак, кој секогаш ќе ги чува вашите најдлабоки тајни.
Стабилен и разумен, бикот знае како да се постави во секоја ситуација. Тоа го прави совршен партнер и пријател. Личностите родени во овој знак за сè што прават во животот длабоко размислуваат. Памтат одлично, но иако не се злопамтила, ќе се однесуваат кон вас со резерва ако им направите нешто непријатно.
Штом еднаш ќе се врзат и ќе ве засакаат, сè ќе направат за вас. За бикот успешен однос е остварен дури кога ќе стекне целосна доверба во вас и кога ќе му докажете дека стоите зад вашите зборови. Овие луѓе не сакаат игри и се грижат за туѓите чувства, па од нив може да очекувате искрено и директно мислење. Кога ќе сфати дека може да ви верува, бикот ќе ви се довери, а вашите тајни засекогаш ќе ги чува. Биковите секогаш ги исполнуваат нивните ветувања и обврски, а односите со блиските за нив се многу важни. Токму затоа истото ќе го очекувата од вас, па се разочаруваат ако не го добијат истиот третман од луѓето што ги сакаат.
