Почетокот на јануари со себе носи прекрасно чувство за нов почеток. Овој период е идеален за да оставите зад себе сè што ви се случило во текот на претходната година и да очекувате нови можности. За некои хороскопски знаци тоа вклучува и пронаоѓање партнер во новата година, па 2020 година би можела да биде вашата година.
Овен
Овните ќе запознаат нова личност, но само ако се подготвени да забават и да водат подлабоки разговори. Личностите родени во овој хороскопски знак обично брзаат низ животот и се фокусираат само на сопствените цели и планови. Ретко наоѓаат доволно време за да пронајдат партнер, но треба да излезат од својата удобна зона и да се отворат кон некој што покажува интерес за нив. Иако избегнуваат да водат сериозни разговори, можеби ќе бидат изненадени од врската што ќе имаат можност да ја започнат. Тие ќе разговараат со својот нов партнер многу отворено и многу брзо ќе го запознаат подобро.
Благодарение на Јупитер, девиците ќе имаат повеќе среќа да пронајдат партнер во новата година. Освен тоа, нив ги чека многу забава. Пронаоѓањето партнер може да биде лесно колку и започнувањето разговор со странец, а можеби ќе имаат можност и за сериозна врска ако ја напуштат удобната зона. Ако лесно започнат нова врска, не треба да мислат дека таа ќе трае вечно. Овие личности мора да бидат внимателни и да не се надеваат премногу бидејќи таа врска веројатно ќе биде само за добра забава и нема да прерасне во сериозна врска. Поради тоа, девиците треба да се фокусираат само на задоволството што го носи моментот и да чекаат следна можност.
Стрелец
Стрелецот ќе ја почне новата година со забавна врска благодарение на Марс. Марс влезе во знакот на Стрелец на 3 јануари, што со себе носи дополнителен оган, поголема возбуда и авантуристичка атмосфера. Како резултат на тоа, стрелците ги очекуваат интересни секси ситуации и флертување, но од нив зависи како ќе се развива оваа врска понатаму. Ако сакаат врската да остане само за секс, така и ќе биде, иако постои можност таа да прерасне во нешто посериозно. Сè ќе зависи од тоа што бараат овие личности и од трудот што се подготвени да го вложат за одржување на врската. Ако стрелецот сака да ја официјализира врската, тоа може и да се оствари. Како и да е, овие личности добро ќе се забавуваат.
Влегувајќи во 2020 година, планетата на љубовта, Венера, се најде токму сред транзит во знакот на водолија. Ова ќе ги поттикне припадниците на овој хороскопски знак да се сакаат себеси повеќе, но и да се заљубат во друга личност. Тоа може да биде ново искуство за нив бидејќи тие обично сакаат сè да биде по нивно и ретко имаат сериозни врски. Но, ако сериозната врска е тоа што тие го сакаат, желбата лесно ќе им се оствари оваа година. Сè што треба да направат е да сфатат дека треба да ги пуштат луѓето во своите животи. Тоа може да биде тешко за нив, но на крајот ќе бидат многу среќни.
