„Инстаграм“ почна да ги сокрива постовите каде што е користен фотошоп

Програмерите на социјалните мрежи почнаа борба против лажните информации.

„Инстаграм“ објави нови правила во декември лани,  а месец дена подоцна програмерите ја спроведоа новата функција. Сега публикациите означени како „лажни“ или „делумно лажни“ ќе се прегледуваат и ако се потврди употребата на ретуширање, тогаш ќе бидат означени како „невистинити информации“. Тоа ќе доведе до исклучување на постот од пребарување со помош на хаштазите и од одделот за истражувањето, а во почетната страна кај другите корисници, сликата прво ќе се покаже матно (како кај оние слики кои се скриени поради непосакуваната содржина) и само со нивна дозвола ќе се врати во вообичаениот облик.

Што се однесува до авторите на фотографиите, на странците на нивниот профил нема да има промени. Имајте на ум дека фотографиите планирани од уметнички причини исто така планираат да ги сокријат (на пример, неприродни пејсажи).

Како точно „Инстаграм“ ја потврдува употребата на фотошопот и како тоа ќе влијае на блогерите и фотографите сè уште не е познато.

Додека функцијата се тестира кај ограничен број корисници, таа и понатаму ќе се развива. „Сакаме да верувате во она што го гледате на ‘Инстаграм’. Дезинформациите испратени преку фотографии и видеозаписи стануваат сè поголем проблем во индустријата, поради што моравме да се фокусираме на нивно решавање. Во мај 2019 година во САД започнавме со проверување на фактите кои би ни помогнале да ги идентификуваме, прегледаме и да ги обележиме лажните податоци за да го ограничиме нивното ширење. Сега својот програм за проверување на фактите ќе го прошириме на целиот свет“, објаснува „Инстаграм“.

Scroll to Top