Шибори е јапонска техника за бојадисување ткаенина, но последните години овој тренд се прошири и на вапсувањето јајца. Иако на прв поглед делува сложена, таа е едноставна и интересна. Сè што ви треба се четкички и бои, конец, хартија и ластичиња.
За украсување шибори јајца ви треба сина боја, алкохолен оцет, хартија (филтер за кафе), ластичиња, стаклен сад и ножици. Секое јајце завиткајте го во филтер за кафе, а врвот заврзете го со ластиче. Преку јајцето замотајте со ластичиња или конец, зависно каква шара сакате. Растворете ја бојата за јајца според упатството, а потоа добиената бојата ставете ја во шприц. Постепено сипувајте од бојата врз деловите од јајцето меѓу конецот или ластичињата. Кога ќе се натопи хартијата, оставете да се исуши.
