„Медена земја“ во потесен избор за номинација за два „Оскари“

Mакедонскиот документарен филм „Медена земја“ на Тамара Котевска и Љубомир Стефанов влезе во потесниот избор за номинација за „Оскар“ во две категории – за најдобар документарец и за најдобар странски филм.

Американската филмска академија ја објави листата со потесниот избор филмови во 9 категории, а на 13 јануари ќе се изберат по пет кои ќе добијат номинација за „Оскар“. Во категоријата најдобар документарец се избрани 15 филмови од 159 пријавени. „Медена земја“ за номинација ќе се бори со „Адвокатка“, „Американска фабрика“, „Аполо“, „Аполо 11“, „Акварела“, „Најголемата мала фарма“, „Пештерата“, „Работ на демократијата“, „За Сама“, „Големото хакирање“, „Урни ја куќата“, „Девојка“, „Полноќно семејство“, „Нација со по едно дете“.

Во категоријата најдобар странски филм во потесниот избор влегоа 10 филмови од 91 пријавен. Со „Медена земја“ се избрани и „Обоена птица“ од Чешка, „Вистона и правда“ од Естонија, „Клетници“ од Франција, „Оние што останаа“ од Унгарија, „Корпус кристи“ од Полска, „Сучка“ од Русија, „Атлантикс“ од Сенегал, „Паразит“ од Јуна Кореја и „Болка и слава“ од Шпанија.

„Пред дождот“ на Милчо Манчевски е единствениот македонски филм кој има номинација за „Оскар“, ја доби во 1995 година.

Оскарите ќе се доделат на 9 февруари во Холивуд.

Scroll to Top