Кинематографот Ален Давиау, кој имаше пет номинации за Оскар, вклучувајќи ги и филмовите „Е.Т.“ и „Империја на сонцето“, почина од коронавирус на 77 години. Веста за неговата смрт ја објави писателот Колман Ендрус, кој на Твитер напиша дека Давиау починал во болница во Лос Анџелес.
Давиау е роден во Њу Орлеанс. Тој беше номиниран за Оскар за кинематографија за филмовите на Спилберг „Бојата на пурпурот“, „Е.Т“, „Империја на сонцето“ и за два филма на Бери Левинсон, „Авалон “и „Багзи “.
„Во 1968 година Ален и јас ги започнавме нашите кариери рамо до рамо со краткиот филм ‘Амблин’. Ален беше прекрасен уметник, но неговата топлина и хуманост беа толку моќни колку и неговите леќи. Тој беше единствен талент и прекрасно човечко суштество“, рече Спилберг во својата изјава по повод смртта на својот соработник.
