„Љубов и револуција“ е концертот на отворено што Филхармонијата ќе го одржи на 29 јуни во Градски парк во Скопје.
Оркестарот ќе изведе популарни теми од сферата на поп, рок и панк-музиката, а на репертоарот ќе бидат хитови на „Рејдиохед“, Ник Кејв, „Бисти бојс“, „Продиџи“, „Нирвана“, „Секс пистолс“, „Клеш“, Џими Хендрикс, „Ролинг стоунс“, „Пинк флојд“, Дејвид Боуви и „Рамштајн“.
Аранжманите се на Џијан Емин, кој ќе биде и диригент на концертот.
Покрај оркестарот на Филхармонијата, ќе настапат и хорот „Про Арс“ под диригентство на Сашо Татарчевски и бенд составен од Александар Поп Христов – гитара, Зоран Костадиновски – гитарa, Иван Бејков – бaс и Гоце Стевковски – тапани.
Концертот е во соработка со Град Скопје и Младински културен центар.
