Рио де Жанеиро ја имаше една од најголемите новогодишни прослави на светот, откако три милиони луѓе ја пречекаа 2020 година на легендарната плажа Копакабана. И на сето ова имаше 14-минутен огномет, а биле испукани повеќе од 15 тони разнобојна пиротехника.
Во Сао Пауло, речиси два милиона луѓе ја исполнија главната градска авенија Паулиста, но иако биле употребени 2,7 тони пиротехника, сепак била тивка за да не се вознемируваат животните.
Прославата во Њујорк редовно е еден од најгледаните новогодишни спектакли, а на полноќ, врз присутните беа испуштени 1.360 килограми конфети од светлечка кристална топка. Меѓу музичките ѕвезди кои настапија беа Поуст Малоун, Аланис Морисет и корејската поп група БТС.
