Францускиот претседател Емануел Макрон е снимен додека се расправал со докторка во болница во Париз, само неколку дена пред да признае дека Франција не била подготвена за епидемијата на коронавирусот, нешто што може да се види и на видео снимката која излезе во јавноста.
Расправијата на Макрон со медицинската сестра е забележана за време на неговата посета во болницата „Кремљ-Бицетре“ во Париз, на 9. април.
Набрзо откако излезе ова видео во јавноста, кое објави синдикатот на медицинските работници, претседателот е прикажан во дрги снимки од неговата канцеларија, како аплаудира со персоналот во оваа установа.
На снимката направена од синдикатот може да се види како Макрон им вели на медицинските работници дека не го надокнадиле 15 години намалувањето на тарифата во болниците и дека тие се во право. Но, не сака да ја превземе одговорноста за сето тоа што било направено пред неговиот мандат.
„Ние давателите на нега сме сиромашни и утре можеме да се најдеме и ние во креветите како пациентите. Кога проблемот ќе се врати, сакаме да помогнеме, но со недостаток на ресурси и персонал, тоа нема да можеме да го направиме“, му вели медицинската сестра на Макрон.
Макрон на собраниот персонал му кажал дека колективно ќе ја научат лекцијата, по епидемијата со коронавирусот. Неговата расправа со лекарите траела околу десетина минути.
