(Видео) Коронавирус во серија на Симпсонови во 1993 година

Сличен вирус како корона од кој досега во Кина починаа повеќе од 350 лица, а илјадници се заразени, се појавил и во анимираната серија Симпсонови, уште во 1993 година. Се работи за вирусот Осака грип, кој се раширил низ градот Спринфгилд, местото каде живеат Симспнови, откако нарачале блендери од Јапонија.

dobivaj vesti na viber

Во епизодата еден од работниците кој ги пакувал блендерите во кутија во Јапонија, се разболел и случајно го испратил вирусот во САД.

„Ве молам немојте да му кажете на мојот надзорник дека имам грип“, вели тој, пред да се закашла во кутијата. Еден од блендерите стигнал во Спринфилд, каде повеќето од населението се разболело.

Иако вирусот дошол од Јапонија наместо од кинескиот град Вухан, фановите на популарната серија, веднаш излегоа со реакции на „Твитер“.

„Симпсонови повторно успеаа. Симпсонови се од иднината. Предвидоа што ќе ни се случи. Симпсонови ме плашат. Оваа епизода се емитувала пред 27 години, во 1993 година. Дали Симпсонови навистина ја предвидоа епидемијата на коронавирусот“, биле некои од коментарите на социјалните мрежи.

Scroll to Top