(Видео) Мохамед Салах постигна гол од корнер како Артим Шакири против Англија

Египет победи поради еСватини (поранешен Свазиланд) со 4:1 во квалификациите за Африканскиот куп на нации во Каиро. Мечот беше запаметен по неверојатниот погодок на ѕвездата на Ливерпул Мохамед Салах, кој постигна гол од корнер, сличен на оној кој македонскиот репрезентативец Артим Шакири, го постигна против Англија во 2002 година.

dobivaj vesti na viber

Салах ја доведе својата репрезентација во водство од 4:0 откако во 45 минута директно од корнер упати удар кон противничкиот гол. Покрај него стрелци за Египет беа и Ахмед Ел Мохамад, Амр Вард и Махамед Трезеге Хасан.

По сјајниот погодок на Салах, играчот на Ливерпул мораше да биде заменет поради повреда. Првичната дијагноза е дека претрпел повреда на мускул. Лекарите велат дека не е ништо сериозно, но мора да се изработат дополнителни прегледи за да се утврди тежината на повредата.

Со оваа победа Египет се изедначи на врвот на телбата Ј, заедно со Тунис кој има шест бодови, но и меч poмалку.

 

Scroll to Top