Озонската дупка на обвивка околу планетата Земја е помала од кога било, тврди НАСА. Но, тоа се должи на невообичаено топлото време, а не на подобрување на еколошките параметри на Земјата, велат оттаму.
Озонската дупка над Антартикот се смалила на најмал обем од времето кога е првпат откриена во 1980те години од минатиот век. Тоа е значително подобрување на состојбата на озонската обвивка околу Земјата, која ја штити планетата од потенцијално опасното ултравиолетово зрачење, а кое може да предизвика рак на кожата, катаракта, го уништува имунолошкиот систем кај луѓето и им наштетува на растенијата.
„Ова е голема вест за озонот на јужната хемисфера“, вели Пол Њумен, шеф на научната група на НАСА за истражување на Земјата.
Најголемата дупка во озонската обвивка е измерена во 2001 година, кога изнесуваше 11,5 квадратни милји. Оваа година, најголемата површина што ја имаше дупката изнесуваше 6,3 милиони квадратни милји, додека сегашната состојба изнесува 3,9 квадратни милји.
