Нова студија која тукушто е направена оваа недела укажува на употребата на алкохол како главен фактор ризик за седум сериозни видови рак, а статистиките влијаат врз мажите и жените.
Нова студија за рак објавена е на 13 јули во списанието „The Lancet Oncology“, која е спроведена од група истражувачи од институцијата за ментално здравје и истражување на ракот во САД, Канада, Франција и Нигерија.
Во него истражувачкиот тим утврдил дека употребата на алкохол расте во земјите како Кина, Индија, Виетнам и многу други земји од Африка.
Додале дека на глобално ниво дури 6,3 милиони луѓе умреле во 2020 од рак на јајници, грло, грклан, дебело месо, ректум, црн дроб и дојка (ова се односи на рак на дојка кај жените, иако и мажите можат да оболат од него).
Иако оваа почетна статистика се издвојува – и иако истражувачите сугерираат да ја намалат употребата на алкохол, токму тоа може да биде стратегија за превенција од рак – еден од авторите на студијата, Хариет Румгаи, рекол дека многу луѓе не се свесни за причинско-последичните односи помеѓу алкохолот и ракот.
„Помалку од секој трет Американец го препознава алкохолот како причина за рак“, вели Румгаи.
Меѓутоа, истражувачите открија дека во 2020 употребата на алкохол била фактор за 741.300 нови дијагнози на рак во 2020 година.
Поголемиот дел пациенти се мажи
Мажите сочинуваат бројка од 568.700, или 77 проценти од вкупниот број на случаи на рак кои можат да се припишат на алкохолот.
Најчести карциноми предизвикани од консумирање алкохол се:
Ракот на хранопроводот се јавил кај 189.700 пациенти, а ракот на црниот дроб кај 154.700. Третиот најчест, женски карцином на дојка, бил присутен во 98.300 случаи.
Количината на алкохол е главен фактор
Иако пресметаните конверзии не покажуваат целосно како истражувачите ги категоризирале трите нивоа на пиење, тие заклучуваат: „Најголемиот товар на рак што може да се припише на алкохол е обилното пиење (346.400 случаи) и интоксикацијата (291.800 случаи)“.
Тие додаваат дека нивната дефиниција за умерено пиење придонела кај 103.100 случаи, и пиење до 10 грама алкохол на ден кај 41.300 случаи.
Истражувачите велат дека поради некои ограничувања во анализата на нивниот примерок, бројот на дијагностицирани карциноми кој може да се припише на алкохол би можел да биде поголем од 741 300.
Тие заклучуваат дека „неопходни се ефективни политики и интервенции“ за да се подигне свеста за ризиците од карцином поврзани со употребата на алкохол и да се намали вкупната потрошувачка на алкохол со цел да се спречи товарот на рак што може да се припише на алкохолот.
