Долготрајното седење во канцеларија пред компјутер влијае негативно на мускулите. Затоа е препорачливо во текот на работниот ден да се истегнете и да направите лесни вежби, кои ќе ви помогнат.
1. Истегнување на рамената
Почнете со истегнување на задниот дел на вашето рамо. Со едната рака држете го зглобот на другата рака. Нежно придвижете ја кон градите. Не вртете го телото додека се истегнувате. Останете во оваа положба 10-15 секунди и ќе почувствувате притисок во задниот дел од рамото. Полека вратете ја раката во почетната положба. Повторете го истегнувањето со другата рака.
2. Истегнување на надлактницата
За да ги истегнете грбот и рамото, кренете ја едната рака и поставете ја зад главата. Другата рака поставете ја на свитканиот лакот и нежно истегнувајте ги надлактницата и рамото. Останете во оваа положба 10-15 секунди, дишете нормално. Опуштете се и вратете се во почетна позиција. Повторете ја истата вежба со другата рака
3. Граден кош
За да ги истегнете мускулите на градниот кош, поставете ги рацете зад вратот. Со рамото повлечете ги рацете наназад колку што можете повеќе. Останете во оваа положба 10-15 секунди, дишете нормално. Полека опуштете се и вратете се во првобитна положба. Повторете ја вежбата.
4. Врат
За да се ослободите од вкочанетите врат, рамо и мускули, најпрвин наведнете ја главата надолу. Обидете се со брадата да го допрете градниот кош. Останете во оваа положба 10-15 секунди, дишете нормално. Ќе почувствувате притисок во задниот дел на вратот. Опуштете се и вратете се во почетна положба. Повторете ја вежбата.
5. Глава
Исто така, можете да ги истегнете мускулите на вратот со вртење на главата: седнете исправено со главата нанапред. Свртете ја главата на едната страна додека рамењата се исправени. Останете во оваа положба 10-15 секунди, дишете нормално. Ќе почувствувате притисок на едната страна на вратот и рамото. Опуштете се и вратете се во почетна положба. Повторете ја вежбата на другата страна.
6. Странични мускули на вратот
За да ги истегнете страничните мускули на вратот, седнете исправено со главата нанапред. Навалете ја главата, така што ќе го придвижувате увото кон рамењата. Не доближувајте го увото до рамото. Останете во оваа положба 10-15 секунди, дишете нормално. Ќе почувствувате тензија во надворешната страна на вратот. Опуштете се и вратете се во почетна позиција. Повторете ја вежбата на другата страна.
