Речиси секоја диета вклучува здрав и редовен појадок. Правилниот појадок во комбинација со неколку дополнителни здрави навики може навистина да ви помогне во губењето на вишокот килограми.
Доколку сте утрински тип на човек и веднаш по будење изобилувате со енергија, тогаш најдобро е некои ритуали и здрави навики да ги префрлите токму за тој дел од денот. Утрото е совршено за нив бидејќи навечер повеќето луѓе се исцрпени од работата и останатите семејни и општествени обврски. Па, што може да направите?
Подгответе си шише со вода
Еден од најдобрите начини да внесете доволно количество вода во текот на денот е наутро да си подготвите шише со вода и да го носите секаде со вас. Исто така, се препорачува, наутро, пред да излезете од дома, да испиете 2-3 чаши вода. На тој начин ќе го почнете денот на најдобар можен начин.
Направете утрински тренинг
Утрото е сигурно најдобриот дел од денот за вежбање бидејќи во тој дел од денот ништо нема да ви го одзема вниманието. Ваквите тренинзи ја подобруваат работата на метаболизмот и ќе ви дадат доволно енергија за целиот ден. Па така, редовното вежбање може да биде многу позитивен утрински ритуал.
Може да направите тренинг на нозете, рацете, грб или на кој било дел од телото, а нема да ви бидат потребни повеќе од 20 минути за тоа.
Вашиот појадок нека изобилува со растителни влакна. Како што веќе сигурно знаете, растителните влакна ќе ви обезбедат енергија за целиот ден. Затоа вашиот појадок нека се состои од намирници што се богати со влакна, како што се киноа, тофу или свеж зеленчук.
Едно истражување покажа дека лицата кои консумираат најмалку 35 грама протеини за појадок имаат прилично стабилно ниво на гликоза. На тој начин ќе бидете сити долго време, па нема да посегнувате по нездрави ужини меѓу главните оброци и ќе ги држите килограмите под контрола.
Понесете си ужина од дома на работа
Една од главните причини поради кои повеќето луѓе се дебелеат е нездравата ужина што ја консумираат на работа. Потрудете се секое утро да си спакувате некоја здрава ужина што ќе ја понесете со себе на работа. Овошје, зеленчук, јатки, било што ќе изберете.
Потсетете се на целите што сте сакале да ги остварите кога сте почнале со диета
Повеќето од нас по некое време од држењето диета или одењето во вежбалница забораваат на првобитно зацртаните цели. Па затоа, добро е повремено да се потсетувате на нив.
На пример, кон која тежина сте тежнееле. Видете до каде сте стигнале сега, а која била вашата крајна цел и продолжете додека ја остварите истата. Ви препорачуваме да прочитате: 5 препораки за здраво слабеење без строги диети.
