(Видео) Судија го натера тренерот да ја смени јакната за време на фудбалски натпревар

Главниот судија на мечот меѓу Арсенал и Ајнтрахт Франкфурт во Лига Европа го натера тренерот на „топџиите“ да ја промени јакната затоа што била иста како гостинските дресови. Судијата мораше да ја прекине играта, а потоа побара од Шпанецот Унај Емери да облече јакна која ќе се разликува од онаа на дресовите на германските фудбалери.

Емери на крајот облече сива јакна и мечот породлжи. Фудбалерите на Арсенал беа поразени на домашен терен со 2:1. Екипата на Арсенал поведе со погодокот на Обамејанг, во продолжението на првото полувреме. Јунак на Ајхтрахт беше Јапонецот Камада, кој беше стрелец на два погодоци на овој меч.